Select Your Language

Notifications

webdunia
webdunia
webdunia
webdunia
Advertiesment

ஷங்கரும் இல்லை… அர்ஜுனும் இல்லை – ஜெண்டில் மேன் 2 அப்டேட்!

webdunia
வெள்ளி, 11 செப்டம்பர் 2020 (10:26 IST)
ஜெண்டில் மேன் படத்தின் தயாரிப்பாளர் கே டி குஞ்சுமோன் ஜெண்டில் மேன் படத்தின் இரண்டாம் பாகத்துக்கான அறிவிப்பை வெளியிட்டுள்ளார்.

இயக்குனர் சங்கர் இயக்கத்தில் ஆக்‌ஷன் கிங் அர்ஜுன் நடித்து 1993ல் வெளியான திரைப்படம் ஜென்டில்மேன். இது ஷங்கரின் முதல் படமாகும். மதுபாலா, சுபஸ்ரீ, செந்தில், கவுண்டமனி உள்ளிட்ட பலர் நடித்து வெளியான இந்த படம் அப்போதைய காலத்திலேயே பெரும் வெற்றி பெற்றது. புதுமுக இயக்குனர் ஷங்கரை நம்பி அதிக பட்ஜெட்டில் பிரம்மாண்டமாக இந்த படத்தைத் தயாரித்தார் தயாரிப்பாளர் கே டி குஞ்சுமோன்.

அதுமட்டுமில்லாமல் அவர் அதன் பிறகு தயாரித்த எல்லா படங்களுமே அதிக பட்ஜெட் படங்கள்தான். ஒரு கட்டத்தில் தன் மகனை ஹீரோவாக அறிமுகப்படுத்த கோடீஸ்வரன் என்ற பெயரில் இமாலய பட்ஜெட்டில் ஒரு படத்தை உருவாக்கி, அது பாதியிலேயே நின்றதால் மிகப்பெரிய இழப்புக்கு ஆளானார். ஒரு கட்டத்தில் ஷங்கருடன் மனக்கசப்பு ஏற்பட்டு அவரை விட்டு பிரிந்த குஞ்சுமோனுக்கு எந்த படமும் கை கொடுக்கவில்லை.

இதனால் நீண்டகாலமாக படத்தயாரிப்புகளில் ஈடுபடாத அவர் , தற்போது ஜெண்டில்மேன் படத்தின் இரண்டாம் பாகத்தை தயாரிக்க இருப்பதாக கே.டி.குஞ்சுமோன் தெரிவித்துள்ளார். இதற்காக தற்போது “ஜெண்டில்மேன் ஃபிலிம் இண்டர்நேஷனல்” என்ற தயாரிப்பு நிறுவனத்தை தொடங்கி அதன்  மூலமாக தயாரிக்க உள்ளார்.

ஆனால் இந்த படத்தை இயக்குவது ஷங்கர் அல்ல என்றும் அர்ஜுனும் இந்த படத்தில் எந்தவொரு கதாபாத்திரத்திலும் நடிக்கவில்லை என்றும் சொல்லப்படுகிறது.

Share this Story:

Follow Webdunia Hindi

அடுத்த கட்டுரையில்

வடிவேல் பாலாஜியின் பிள்ளைகளுக்கு சிவகார்த்திகேயன் செய்த பெரும் உதவி!