ஜூலை 16 முதல் நர்சிங், பார்மசி விண்ணப்பம்!

சென்னை: தமிழகத்தில் உள்ள அரசு, தனியார் மருத்துவக் கல்லூரிகளில் நர்சிங், பி.பார்ம், பி.பி.டி., பி.ஓ.டி. பட்டப் படிப்புகளில் சேருவதற்கான விண்ணப்பம் ஜூலை 16-ஆம் தேதி முதல் வழங்கப்படுகின்றன.

இதன்படி இவ்விண்ணப்பங்கள் சென்னை மருத்துவக் கல்லூரி, கீழ்ப்பாக்கம் மருத்துவக் கல்லூரி, சென்னை ஸ்டான்லி மருத்துவக் கல்லூரிகளில் பெற்றுக் கொள்ளலாம்.

மேலும் மதுரை, தஞ்சாவூர், செங்கல்பட்டு, திருநெல்வேலி, கோவை, தூத்துக்குடி , தேனி, வேலூர் மருத்துவக் கல்லூரிகளிலும், அரசு பிசியோதெரபி- மறுவாழ்வு மருத்துவக் கல்லூரி (திருச்சி), சேலம் மோகன் குமாரமங்கலம் அரசு மருத்துவக் கல்லூரி, திருச்சி கி.ஆ.பெ. விசுவநாதம் அரசு மருத்துவக் கல்லூரி ஆகிய இடங்களிலும் இதற்கான விண்ணப்பங்கள் கிடைக்கும்.

தகவல் குறிப்பேட்டுடன் வழங்கப்படும் இவ்விண்ணப்பங்களை ஜூலை 30-ஆம் தேதி மாலை 3 மணி வரை பெற்றுக் கொள்ளலாம்.

விண்ணப்பப் படிவங்களை அஞ்சல் மூலம் பெற விரும்புவோர் 'செயலர், தேர்வுக் குழு, மருத்துக் கல்வி, 162, பெரியார் ஈ.வெ.ரா. சாலை, கீழ்பாக்கம், சென்னை' என்ற முகவரியை அணுகிப் பெறலாம்.