முகமது யூனுஸை இடைக்கால ஆட்சி தலைவரிடமிருந்து அகற்ற அனைத்து வழிகளையும் ஆய்வு செய்ய தயார் நிலையில் உள்ளதாக பங்களாதேஷ் ராணுவத் தலைவர் வகர்-உஸ்-ஜமான் கூறியதாக உளவுத்துறை வட்டாரங்கள் தெரிவித்துள்ளன.
முகமது யூனுஸ் தலைமையிலான இடைக்கால அரசை வீழ்த்த அரசியல் மற்றும் சட்டவழிகளில் பல்வேறு வழிகளில் பரிசீலிக்கப்படுவதாக கூறப்படுகிறது. பங்களாதேஷ் அரசியலில் முக்கிய பிரமுகர்களான ஷேக் ஹசினா மற்றும் கலேதா சியாவை மீண்டும் நாட்டுக்கு கொண்டு வர ராணுவத் தலைவர் ஜமான் திட்டமிட்டுள்ளார்.
தேர்தல் தாமதம் அரசியலமைப்புக்கு எதிரானதாக அமையும் என்றும், அதனால் ஜனாதிபதி ஷஹபுதீனை அவசர நிலையை அறிவிக்க ராணுவம் அழுத்தம் அளிக்கக்கூடும் என்றும் தகவல்கள் கூறுகின்றன. அரசியலமைப்பின் பிரிவு 58 மூலம் அவசரநிலை அதிகாரங்களை ஜனாதிபதி வழங்கலாம்.
2007-இல் ராணுவ ஆதரவு பெற்ற இடைக்கால அரசு இதேபோல் செயல்பட்டது. யூனுஸின் திட்டங்களை நாட்டின் நிலைத்தன்மைக்கு ஆபத்தாக காட்டி ராணுவ நடவடிக்கை எடுக்க ஜமான் தீவிரமாக செயற்படுகிறார் என்று உள்ளூர் ஊடகங்கள் செய்தி வெளியிட்டுள்ளன. எனவே இடைக்கால அதிபர் யூனுஸ் எப்போது வேண்டுமானாலும் ராஜினாமா செய்வார் அல்லது நீக்கப்படுவார் என எதிர்பார்க்கப்படுகிறது.
