தெலுங்கானா மாநிலத்தில் உள்ள ஐதராபாத்தின் பஞ்சாரா ஹில்ஸ் பகுதியிலுள்ள புகழ்பெற்ற பார்க் ஹயாட் ஹோட்டலில் இன்று திடீர் தீவிபத்து ஏற்பட்டது. இந்த ஓட்டலில் தான் இந்தியன் பிரீமியர் லீக் போட்டிகளில் பங்கேற்று கொண்டிருக்கும் சன்ரைசர்ஸ் ஹைதராபாத் அணியின் வீரர்கள் தங்கியிருந்தனர் என்பது குறிப்பிடத்தக்கது.
தீ விபத்து சம்பவம் ஹோட்டலின் மூன்றாவது மாடியில் அமைந்த ஸ்பா பகுதியில் ஏற்பட்டதாக கூறப்படுகிறது. தீ அலாரம் எழுந்த உடனேயே, SRH வீரர்கள் உள்ளிட்ட ஹோட்டலில் இருந்தோர் அனைவர் பாதுகாப்பாக வெளியேற்றப்பட்டனர்.
தீயை ஹோட்டல் பணியாளர்கள் மற்றும் தீயணைப்பு படையினர் ஒருங்கிணைந்து விரைவில் கட்டுப்படுத்தினர். யாருக்கும் சிராய்ப்போ, உயிரிழப்போ ஏற்படவில்லை என காவல்துறை உறுதிப்படுத்தியுள்ளது.
இந்தச் சம்பவம் ஓர் அதிர்ச்சியையூட்டினாலும், ஹோட்டல் அதிகாரிகள் மற்றும் மீட்புப் பிரிவினர் நேரடி நடவடிக்கையால் சூழ்நிலை கட்டுப்படுத்தப்பட்டது. தீவிபத்துக்கான காரணம் தொடர்பாக விசாரணை நடைபெற்று வருகிறது.
