இந்திய கிரிக்கெட் அணி, ஆப்கானிஸ்தான் கிரிக்கெட் அணி இந்தியாவில் சுற்றுப்பயணம் செய்து 3 டி 20 போட்டிகள் கொண்ட தொடரில் விளையாட உள்ளது.
இத்தொடர் வரும் ஜனவரி 11 ஆம் தேதி தொடங்கவுள்ளது. இந்த தொடரில் பங்கேற்கும் இந்திய அணி கடந்த 7 ஆம் தேதி அறிவிக்கப்பட்டது.
இத்தொடரில் சீனியர் வீரர்களான ரோஹித் சர்மா மற்றும் விராட் கோலி இருவரும் இடம்பெற்றுள்ளனர்.
சமீபத்தில் காயம் காரணமாக ஹர்த்திக் பாண்ட்யா சிகிச்சை பெற்று வரும் நிலையில், ரோகித் சர்மா கேப்டனாக செயல்படுகிறார்.
இந்த நிலையில், ரோஹித் சர்மா 51 டி 20 போட்டிகளில் கேப்டனாக இருந்து 39 வெற்றிகள் பெற்றுக் கொடுத்திருக்கிறார். 12 போட்டிகளில் தோல்வி அடைந்துள்ளார்.
ரோகித் சர்மா இந்திய அணிக்காக 148 டி 20 போட்டிகளில் விளையாடி இதுவரை 3853 ரன்கள் அடித்துள்ளார். இதில், 4 சதம் மற்றும் 29 அரைதங்கள் அடங்கும்.
மேலும், டி 20 போட்டிகளில் ரோகித் சர்மா 182 சிக்ஸர்கள் அடித்துள்ள நிலையில், இன்னும் 18 சிக்ஸர்கள் அடித்தால் சர்வதேச டி 20 கிரிக்கெட்டில் அதிக சிக்ஸர்கள் அடித்த வீரர் என்ற சாதனை படைக்க வாய்ப்புள்ளதாக கூறப்படுகிறது.
