அமெரிக்காவின் வளர்ச்சிக்கு எலான் மஸ்க் கண்டிப்பாக வேண்டும்: பல்டி அடித்த டிரம்ப்..!

கடந்த சில நாட்களுக்கு முன்னர் எலான் மஸ்க்கை அமெரிக்காவிலிருந்து விரட்டவும் தயங்க மாட்டேன் என்று கூறிய அமெரிக்க அதிபர் டொனால்ட் ட்ரம்ப், தற்போது அமெரிக்காவின் வளர்ச்சிக்கு எலான் மஸ்க் கண்டிப்பாக தேவை என்று பதிவு செய்துள்ளது பெரும் பரபரப்பை ஏற்படுத்தியுள்ளது.

"எலான் மஸ்க்கிற்கு கொடுக்கப்படும் பெரும் மானியங்களை நிறுத்தி அவரை அழித்துவிடுவேன் என்று சிலர் கூறுகிறார்கள், ஆனால் அது உண்மை அல்ல. எனக்கு எலான் மஸ்க் மற்றும் அவரது அனைத்து பிசினஸ்களும் அமெரிக்காவிலேயே இருக்க வேண்டும் என்பதுதான் ஆசை. முன்பு இருந்ததை விட அது இன்னும் நன்கு செயல்புரிய வேண்டும். அவ்வாறு செயல்படும் போதுதான் அமெரிக்கா வளர்ச்சி அடையும். அவருக்கும் நல்லது, நம் அனைவருக்கும் நல்லது," என்று ட்ரம்ப் தனது பதிவில் குறிப்பிட்டுள்ளார்.

இந்த பதிவுக்கு எலான் மஸ்க், "நன்றி" என்று ஒற்றை வார்த்தையில் பதிலளித்துள்ளார்.

எலான் மஸ்க்கை இதுவரை கடுமையாக விமர்சித்தும், மறைமுகமாக அச்சுறுத்தியும் வந்த ட்ரம்ப், திடீரென 'அந்தர் பல்டி' அடித்து அவர் அமெரிக்காவுக்கு அவசியம் தேவை என்று குறிப்பிட்டிருப்பது அரசியல் வட்டாரத்தில் பெரும் விவாதத்தை கிளப்பியுள்ளது.

Edited by Mahendran