பிரான்சில் அதிர்ச்சி: நம்பிக்கை வாக்கெடுப்பில் பிரதமர் தோல்வி, அரசு கவிழ்ந்தது

பிரான்ஸ் அரசியலில் ஒரு எதிர்பாராத திருப்பமாக, அந்நாட்டு பிரதமர் பிரான்சுவா பேரு, நாடாளுமன்றத்தில் நடந்த நம்பிக்கை வாக்கெடுப்பில் தோல்வியடைந்துள்ளார். இந்த தோல்வி, அவரது தலைமையிலான அரசின் கவிழ்ச்சிக்கு வழிவகுத்துள்ளது.

பிரான்சுவா பேரு தலைமையிலான அரசு கவிழ்ந்ததால் கடந்த 12 மாதங்களில், நான்காவது முறையாக ஒரு புதிய பிரதமரை தேர்ந்தெடுக்கும் சூழல் பிரான்சில் உருவாகியுள்ளது. இது அந்நாட்டின் அரசியல் ஸ்திரத்தன்மைக்கு ஒரு சவாலாக அமைந்துள்ளது. நம்பிக்கையில்லா வாக்கெடுப்பில், பைரூவுக்கு ஆதரவாக 194 உறுப்பினர்கள் மட்டுமே வாக்களித்தனர். அவருக்கு எதிராக 364 உறுப்பினர்கள் வாக்களித்தனர்.

எதிர்க்கட்சிகள், அரசின் சிக்கன நடவடிக்கைகளுக்கு எதிராக ஒன்றுதிரண்டு, பிரதமருக்கு எதிரான வாக்கெடுப்பில் உறுதியாக நின்றன. இந்த எதிர்ப்பு, அரசின் கவிழ்ச்சிக்கு முக்கிய காரணமாக அமைந்தது.

இந்த அரசியல் குழப்பம், பிரான்சின் எதிர்கால ஆட்சி மற்றும் பொருளாதார கொள்கைகள் குறித்து பல கேள்விகளை எழுப்பியுள்ளது.

Edited by Siva