வலிமை பட ரிலீஸுக்கு இன்னும் 4 நாட்களே உள்ள நிலையில் தாய் பாசம் ப்ரோமோ ஒன்றை போனி கபூர் வெளியிட்டுள்ளார்.
எச்.வினோத் இயக்கத்தில் அஜித்குமார் நடித்துள்ள படம் வலிமை. இந்த படத்தை போனி கபூர் தயாரித்துள்ளார். இந்த படம் பொங்கலுக்கு வெளியாக திட்டமிட்டிருந்த நிலையில் கொரோனா கட்டுப்பாடுகள் காரணமாக ரிலீஸ் தேதி தள்ளிவைக்கப்பட்டது. பிறகு தற்போது பிப்ரவரி 24 அன்று வெளியாக உள்ளதாக அறிவிக்கப்பட்டுள்ளது.
வலிமை தமிழில் மட்டுமல்லாமல் இந்தி, தெலுங்கு உள்ளிட்ட மொழிகளிலும் வெளியாக உள்ளது. சமீபத்தில் வலிமை பிற மொழி டிரெய்லர்கள் வெளியானது. இந்நிலையில் தயாரிப்பாளர் போனி கபூர் வரிசையாக வலிமை ப்ரோமோ வீடியோக்களை வெளியிட்டு வருகிறார். அதில் தாய்பாசம் குறித்த காட்சிகள் இடம்பெற்றுள்ளன. தொடர்ந்து ப்ரோமாவாய் வெளியாகி வரும் நிலையில் மொத்த படமுமே ப்ரோமோவில் வந்துவிடுமோ என சிலர் நகைச்சுவையாக பதிவிட்டு வருகின்றனர்.
