ஜெயம்ரவி நடிப்பில் வெளிவந்த கோமாளி படத்தின் மூலம் பிரபலமடைந்தவர் நடிகை சம்யுக்தா ஹெக்டே. மேலும் ஜிவி பிரகாஷ் நடித்திருந்த வாட்ச்மேன் படத்திலும் இவர் நடித்துள்ளார். இருந்தாலும் கோமாளி படத்தின் ஸ்கூல் பெண்ணாக நடித்திருந்த அந்த கதாபாத்திரம் தான் ரசிகரகள் மனதில் இடம்பிடித்தது.
தனது சமூகவலைத்தள பக்கங்களில் எப்போதும் ஆக்டீவாக இருந்து வரும் இவர் அவ்வப்போது தான் செய்த உடற்பயிற்சி வீடியோ , போட்டோ உள்ளிட்டவரை வெளியிட்டு ரசிகர்களை கிறங்கடிப்பார். மேலும் கவர்ச்சி போட்டோ ஷூட் நடத்துவதிலும் அம்மணிக்கு கை வந்த கலை.
இந்நிலையில் சமீபநாட்களாக தனது இன்ஸ்டாகிராம் பக்கத்தில் ஒர்க் அவுட் செய்யும் வீடியோ, டான்ஸ் வீடியோ , யோகா வீடியோ என தொடர்ந்து தனது திறமைகளை வெளிக்காட்டி வருகிறார். அந்த வகையில் நேற்று அவர் வெளியிட்ட வீடியோ ஒன்றிற்கு இணையவாசி ஒருவர் " பட வாய்ப்புகள் இல்லாததால் இப்படி சர்க்கஸ் செய்து ப்ராக்டிஸ் செய்கிறீர்களா" என கிண்டலடித்தார்.
அவருக்கு பதிலளித்த சம்யுக்த ஹெக்டே, "சர்க்கஸில் வேலை பார்ப்பது கேவலம் இல்லை அவர்கள் குடும்பங்களை விட்டு விட்டு மக்களை சந்தோச படுத்த தங்களால் முடிந்ததை செய்து வருகின்றனர்.அது உங்களை போன்ற நபர்களுக்கு எப்படி புரியும் என்று தக்க பதிலடித்து கொடுத்து அனைவரின் பாராட்டுக்களை பெற்று வருகிறார்.
