கமல்ஹாசன் நடிப்பில் விரைவில் பாபநாசம் 2 உருவாக இருப்பதாக செய்திகள் வெளியாகின.
நடிகர் கமல் அரசியல் தோல்விக்குப் பின்னர் படங்களில் வரிசையாக கவனம் செலுத்த உள்ளார் என்று சொல்லப்படுகிறது. ஏற்கனவே அவர் ஒத்துக்கொண்ட இந்தியன் 2 மற்றும் விக்ரம் ஆகிய படங்கள் இருக்கையில் இப்போது அவர் வேறொரு படத்தை ஆரம்பிக்கும் முடிவில் இருப்பதாக சொல்லப்படுகிறது. அது மலையாளத்தில் வெளியாகி வெற்றி பெற்ற திருஷ்யம் 2 படம்தானாம். இதற்கான வேலைகள் நடந்து வருவதாக சொல்லப்பட்டது.
இந்நிலையில் கமல்ஹாசன் நடிப்பில் உருவாகி கைவிடப்பட்ட மற்றும் ரிலீஸாகி ஏமாற்றம் அளித்த இரண்டாம் பாக படங்களின் ராசி பற்றி பலரும் கருத்து தெரிவித்து வருகின்றனர். இந்தியன் 2 ஷுட்டிங் ஆரம்பித்து 3 ஆண்டுகளுக்கும் மேலாக இழுத்துக் கொண்டிருக்கிறது. தேவர் மகன் 2 உருவாக்க கமல் விரும்பினார். அது இப்போது என்ன ஆனது என தெரியவில்லை. அதே போல தசாவதாரத்தின் ஒரு கதாபாத்திரமான பல்ராம் நாயுடு கதாபாத்திரத்தை வைத்து சபாஷ் நாயுடு என்ற படம் இயக்க ஆரம்பித்தார். அதுவும் கைவிடப்பட்டது. விஸ்வரூபம் படத்தின் பார்ட் 2 வெளியாகி அட்டர் ப்ளாப் ஆனது. இதனால் கமல்ஹாசன் பாபநாசம் 2 வில் நடிப்பாரா நடித்தாலும் வெற்றி பெருமா என்று பேச்சு எழுந்துள்ளது.
