ஆர் ஆர் ஆர் படத்துக்குப் பிறகு ராம்சரண் நடிப்பில் உருவான கேம்சேஞ்சர் படத்தை ஷங்கர் இயக்க தில் ராஜூ தயாரித்து சங்கராந்தியை முன்னிட்டு ஜனவரி 10 ஆம் தேதி ரிலீஸ் செய்தனர். இந்த படத்துக்கு இயக்குனர் கார்த்திக் சுப்பராஜ் கதை எழுதியுள்ளார். படத்தில் வில்லனாக எஸ் ஜே சூர்யா நடித்துள்ளார். தமன் முதல் முதலாக ஷங்கர் படத்துக்கு இசையமைக்க, திரு ஒளிப்பதிவு செய்துள்ளார்.
படம் மிக அதிக பொருட்செலவில் பிரம்மாண்டமாக உருவாகி ரிலீஸானது. முதல் நாளில் உலகளவில் 186 கோடி ரூபாய் வசூலித்ததாக அறிவிக்கப்பட்டது. அதன் பின்னர் கலவையான விமர்சனங்களால் வசூலில் பெரிய வீழ்ச்சி ஏற்பட்டுள்ளது.இதனால் கேம்சேஞ்சர் லாபமீட்டும் படமாக அமையுமா என்ற சந்தேகம் உருவாகியுள்ளது.
இந்நிலையில் கேம்சேஞ்சர் படம் குறித்து பேசியுள்ள ஷங்கர் “கேம்சேஞ்சர் படம் மொத்தம் 5 மணிநேரம் வந்தது. ஆனால் படத்தின் நீளத்தால் பல நல்லக் காட்சிகளை வெட்டிவிட்டோம்.” எனக் கூறியுள்ளார். இந்த பதிலைக் கேட்ட ரசிகர்கள் பலர் பலக் காட்சிகளை வெட்டியுமே படம் இந்த கதியில் உள்ளதா எனக் கேள்வி எழுப்பியுள்ளனர்.
