தொடர் டாஸ் தோல்விகளால் பாதிக்கப்பட்டு இருக்கும் ஆர் சி பி கேப்டன் கோஹ்லி அதுகுறித்து மனம் திறந்து பேசியுள்ளார்.
இந்திய அணியின் கேப்டன் விராட் கோஹ்லி ஐபிஎல் தொடரில் பெங்களூர் அணியின் கேப்டனாக இருந்து வருகிறார். சர்வதேசக் கிரிக்கெட்டில் இந்தியாவை சிறப்பாக செயல்படவைத்து வரும் கோஹ்லி பெங்களூர் அணிக்கு இதுவரை சிறப்பாக எதுவும் செய்ததில்லை.
அதிலும் இந்த் ஆண்டு விராட் கோஹ்லி தலைமையிலான அணி மிகவும் மோசமான தோல்விகளை சந்தித்து வருகிறது. அதற்கு டாஸ் தோல்வியும் முக்கியப் பங்கு வகித்துள்ளது. இதுவரை நடந்த 13 போட்டிகளில் 10 போட்டிகளில் டாஸ் தோற்றுள்ளார். இது குறித்து விராட் கோஹ்லியிடம் கேள்வி எழுப்பியபோது ‘ போட்டி தொடங்குவதற்கு முன்னர் டாஸ் போட்டு பிராக்டிஸ் செய்து கொண்டிருந்தேன். ஆனால் இம்முறையும் டாஸ் தோற்று விட்டேன். ஆனால் சிறப்பாக பேட் செய்தால் டாஸ் தோல்வியையும் முறியடித்து வெல்லலாம். கடைசி சில போட்டிகளை வெற்றியாக முடிக்க விரும்புகிறோம்.’ எனக் கூறியுள்ளார்.
