ரஜினி பாணியில் இமயமலை சென்ற அண்ணாமலை.. டெல்லி செல்லவும் திட்டமா?

தமிழக பாஜக தலைவராக இருந்த அண்ணாமலை, இமயமலைக்கு சென்றுள்ளார் என்றும், அதன் பின்னர் அங்கிருந்து டெல்லி சென்று பாஜக முக்கிய பிரமுகர்களை சந்திக்க திட்டமிட்டுள்ளதாகவும் கூறப்படுகிறது.

தமிழக பாஜக தலைவராக இருந்த அண்ணாமலை நீக்கப்பட்டு, அவருக்கு பதிலாக நயினார் நாகேந்திரன் தேர்வு செய்யப்பட்ட நிலையில், 39 தேசிய குழு உறுப்பினர்களில் ஒருவராக அண்ணாமலை நியமிக்கப்பட்டுள்ளார்.

இந்த நிலையில், அண்ணாமலை திடீரென நேற்று இமயமலைக்கு சென்றதாக தகவல்கள் வெளியாகி உள்ளன. சென்னையிலிருந்து டெல்லி சென்ற அவர், அங்கிருந்து ஆன்மீக இமயமலை பயணத்தை தொடங்கியதாகவும், இமயமலையில் ஆன்மீக பயணத்தை முடித்த பின்னர் மீண்டும் டெல்லி சென்று, பாஜக மூத்த தலைவர்களை சந்திக்க உள்ளதாகவும் கூறப்படுகிறது.

அதன் பின்னர் அவருக்கு வேறு சில பொறுப்புகள் வழங்கப்படும் என எதிர்பார்க்கப்படுகிறது. இமயமலையில் உள்ள பாபா குகையில் தியானத்தில் ஈடுபட்டுள்ள அண்ணாமலையின் புகைப்படம் வெளியாகியுள்ளது.

இந்த புகைப்படம் தற்போது இணையத்தில் வைரலாகி வருகின்றது. இதனையடுத்து, ரஜினி பாணியில் அண்ணாமலைவும் ‘பாபா’ கோவைக்கு சென்று தியானம் செய்திருப்பதாக நெட்டிசன்கள் தங்களது கருத்துகளை பகிர்ந்து வருகின்றனர்.

Edited by Siva