சென்னையில் இன்று அதிமுக பொதுக்குழு கூட்டம் நடைபெறவுள்ள நிலையில் இந்த கூடத்தில் நாடாளுமன்றத் தேர்தல் கூட்டணி அறிவிக்கப்பட வாய்ப்பு இருப்பதாக தெரிகிறதுஇ.
சென்னை வானகரத்தில் உள்ள ஸ்ரீவாரு வெங்கடாசலபதி திருமண மண்டபத்தில் அதிமுக அவைத் தலைவர் தமிழ்மகன் உசேன் தலைமையில் இன்று காலை 10:35 மணிக்கு பொதுக்குழு மற்றும் செயற்குழு கூட்டங்கள் தொடங்க உள்ளன.இந்த கூட்டத்தில் நாடாளுமன்றத் தேர்தலை மையப்படுத்தி பல்வேறு முடிவுகளும், தீர்மானங்களும் நிறைவேற்றப்பட திட்டமிடப்பட்டுள்ளதாக தெரிகிறது.
மேலும் அதிமுகவில் எடப்பாடி பழனிசாமி மற்றும் ஓ.பன்னீர்செல்வம் ஆகியோரின் இரட்டைத் தலைமை நீதிமன்ற உத்தரவுகளின் மூலமாக முடிவுக்கு வந்த நிலையில், இன்றைய பொதுக்குழு மற்றும் செயற்குழு கூட்டம் முக்கியத்துவம் வாய்ந்ததாக கருதப்படுகிறது.
இந்த கூட்டத்தில் நாடாளுமன்ற தேர்தலின் போது அதிமுக கூட்டணியில் எந்தெந்த கட்சி இணையும் என்பது குறித்த தகவல் வெளிவரும் என்று எதிர்பார்க்கப்படுகிறது.
