டிசிஎஸ் நிறுவனம், இந்த ஆண்டு சுமார் 12,000 உலகளாவிய ஊழியர்களை பணி நீக்கம் செய்யவுள்ளதாக அறிவித்ததை தொடர்ந்து, இரண்டு நாட்களில் அதன் சந்தை மதிப்பில் ரூ. 28,148.72 கோடி இழப்பை சந்தித்துள்ளது.
நேற்றைய வர்த்தகத்தில், டிசிஎஸ் பங்குகள் பிஎஸ்இ-யில் 0.73 சதவீதம் சரிந்து ரூ. 3,056.55 ஆக முடிவடைந்தது. வர்த்தக நேரத்தின்போது இது 1.23 சதவீதம் சரிந்து ரூ. 3,041 ஆகக் குறைந்தது. என்எஸ்இ-யில் இது 0.72 சதவீதம் சரிந்து ரூ. 3,057 ஆக இருந்தது.
டிசிஎஸ் நிறுவனத்தின் சந்தை மூலதனம் இரண்டு நாட்களில் ரூ. 28,148.72 கோடி சரிந்து ரூ. 11,05,886.54 கோடியாக குறைந்துள்ளது.
இந்தியாவின் மிகப்பெரிய ஐடி சேவை நிறுவனமான டிசிஎஸ், இந்த ஆண்டு தனது உலகளாவிய ஊழியர்களில் சுமார் 2 சதவீதம் பேர், அதாவது 12,261 ஊழியர்களை பணி நீக்கம் செய்யவுள்ளது. இதில் பெரும்பாலானவர்கள் நடுத்தர மற்றும் மூத்த நிலைகளில் உள்ளவர்கள் ஆவர்.
இந்த நடவடிக்கை, நிறுவனத்தின் எதிர்காலத்திற்கு தயாராவதற்கான உத்தியின் ஒரு பகுதி என்று டிசிஎஸ் ஒரு அறிக்கையில் தெரிவித்துள்ளது.
