தமிழகம் உள்பட நாடு முழுவதும் இன்றைய க்யூட்-யுஜி தேர்வு நடைபெற்று வரும் நிலையில் டெல்லியில் மட்டும் ஒத்திவைக்கப்பட்டுள்ளதாக தேசிய தேர்வு முகமை தெரிவித்துள்ளது.
மத்திய பல்கலைக்கழகங்களில் இளநிலை பட்டப்படிப்பு படிக்க க்யூட்-யுஜி தேர்வு கட்டாயம் என்ற நிலையில் இன்று காலை நாடு முழுவதும் இந்த தேர்வு நடைபெற்றது. ஆனால் டெல்லியில் மட்டும் தவிர்க்க முடியாத சில காரணங்களால் இந்த தேர்வு ஒத்திவைக்கப்படுவதாகவும் இன்று நடைபெற இருந்த வேதியியல், உயிரியல், ஆங்கிலம் மற்றும் பொது அறிவுக்கான தேர்வு மே 29ஆம் தேதி டெல்லியில் நடைபெறும் என்றும் தேசிய தேர்வு முகமை தெரிவித்துள்ளது.
மேலும் மே 16 முதல் 18 வரை அனைத்து பாடப்பிரிவுகளுக்கான பிரிவுகளும் வழக்கம்போல் நடைபெறும் என்றும் தேசிய தேர்வு முகமை அறிவித்துள்ளது.
கடந்த 2022 ஆம் ஆண்டு முதல் மத்திய அரசு பல்கலைக்கழகங்களில் யூஜி படிப்பு சேர க்யூட்-யுஜி தேர்வு நடைமுறை அமல்படுத்தப்பட்டது என்பதும் இந்த தேர்வு ஒவ்வொரு ஆண்டும் நடைபெற்று வருகிறது என்பது குறிப்பிடத்தக்கது.
இந்த நிலையில் க்யூட்-யுஜி தேர்வு இன்று நாடு முழுவதும் 380 நகரங்களிலும் வெளிநாடுகளில் 26 இடங்களிலும் நடைபெற்று வருகிறது.
