இந்திய கிரிக்கெட் அணியின் தொடக்க ஆட்டக்காரர் ஷிகார் தவான் பாலிவுட்டில் நடிகராக அறிமுகமாக உள்ளதாக தகவல்கள் வெளியாகியுள்ளன.
இந்திய கிரிக்கெட் அணியின் மூத்த வீரர்களில் ஒருவரான ஷிகார் தவான் இந்திய அணியில் இப்போது ஒருநாள் போட்டிகளுக்காக மட்டுமே தேர்வு செய்யப்படுகிறார். இத்தனைக்கும் அவர் மோசமான பார்மில் இல்லை.ஆனால் அவரை விட பல இளைஞர்கள் சிறப்பாக விளையாடி அந்த இடத்துக்காக காத்திருக்கின்றனர். அதில் முக்கியமாக ருத்துராஜ் கெய்க்வாட் மற்றும் வெங்கடேஷ் ஆகிய இருவரும். தற்போது நடந்துவரும் ஐபிஎல் தொடரில் கூட கணிசமாக ரன்களை சேர்த்து வருகிறார் தவான்.
இந்நிலையில் தவான் பாலிவுட் படமொன்றில் ஒரு முக்கியமான வேடத்தில் நடித்துள்ளதாக தகவல்கள் வெளியாகியுள்ளன. ஆனால் படம் பற்றிய மற்ற தகவல்கள் எதுவும் இதுவரை வெளியிடப்படவில்லை. இந்த தகவல் இந்திய கிரிக்கெட் ரசிகர்களுக்கு சர்ப்ரைஸான ஒன்றாக அமைந்துள்ளது. ஏற்கனவே இர்ஃபான் பதான் தமிழில் கோப்ரா படத்தின் மூலம் நடிகராக அறிமுகமாகிறார் என்பது குறிப்பிடத்தக்கது.
