இந்திய பங்குச்சந்தை மட்டுமல்ல, பாகிஸ்தான் பங்குச்சந்தையும் ஏற்றம்..!

இந்தியா மற்றும் பாகிஸ்தான் இடையே நடந்த போர் பதட்டம் குறைந்த நிலையில், பாகிஸ்தான் பங்குச்சந்தை இன்று  பெரிதும் உயர்ந்துள்ளது. பாகிஸ்தானின் முக்கிய குறியீடு KSE-30, இன்று 9% உயர்ந்தது. இதற்க்கு முக்கிய காரணம், மே 10 அன்று சர்வதேச நாணய நிதியம்  $2.3 பில்லியன் நிவாரணத்தை அளிக்க ஒப்புக்கொண்டது என்றும் கூறப்படுகிறது

இன்று பாகிஸ்தானின் KSE-100 குறியீடு 9,928 புள்ளிகள் உயர்ந்து 1,17,104.11 என்ற உயரத்தை எட்டியது. இதன் பின், பாகிஸ்தான் பங்குச்சந்தை கடந்த மே 8 அன்று ஏற்பட்ட வீழ்ச்சியில் இருந்து மீண்டு வந்துள்ளது. கடந்த வாரம் KSE-30 7.2% சரிந்ததால் பங்குச்சந்தை தற்காலிகமாக நிறுத்தப்பட்டிருந்தது.

இந்திய பங்குச்சந்தையும் இன்று செல்வாக்குடன் இருந்தது. சென்செக்ஸ் 2,900 புள்ளிகளுக்கும் அதிகமாக உயர, நிப்டி 50 மற்றும் பிஎஸ்இ சென்செக்ஸ் 2.5% வளர்ச்சி கண்டன. சிறு மற்றும் நடுத்தர நிறுவனங்களின் பங்குகளும் முறையே 3.5% மற்றும் 3.1% உயர்ந்தன.

இந்த வளர்ச்சி, இரு நாடுகளிலும் முதலீட்டாளர்களுக்கு நம்பிக்கையை ஏற்படுத்தி பெரும் லாபமாக அமைந்துள்ளது.

Edited by Siva