ஒரே பெண்ணை 4 முறை திருமணம் செய்து 3 முறை விவாகரத்து செய்த வங்கி ஊழியர்.. எல்லாம் அந்த 32 நாட்களுக்காக தான்..!

தைவானில் ஒரு நபர் 37 நாட்களுக்குள் ஒரே பெண்ணை நான்கு முறை திருமணம் செய்து மூன்று முறை விவாகரத்து செய்தது, சட்ட வட்டாரங்களில் பெரும் விவாதத்தை ஏற்படுத்தியுள்ளது. இதன் நோக்கம், தொழிலாளர் சட்டத்தில் உள்ள ஒரு ஓட்டையை பயன்படுத்தி 32 நாட்கள் ஊதியத்துடன் கூடிய விடுமுறையை பெறுவதுதான். இந்த சம்பவம்   சட்டத்தில் உள்ள ஓட்டைகளை வெளிச்சத்துக்குக் கொண்டு வந்து, சீர்திருத்தக் கோரிக்கைகளுக்கு வழிவகுத்துள்ளது.

தைவான் வங்கி ஊழியர் ஒருவர், அந்நாட்டு சட்டப்படி ஒவ்வொரு திருமணத்திற்கும் எட்டு நாட்கள் விடுமுறை கிடைக்கும் என்பதை பயன்படுத்திக் கொண்டார். முதல் திருமணம் முடிந்ததும், விடுமுறையை எடுத்துக்கொண்டு, அடுத்த நாளே விவாகரத்து செய்துவிட்டு மீண்டும் திருமணம் செய்தார். இந்தச் சுழற்சி தொடர்ந்ததால், அவருக்கு மொத்தம் 32 நாட்கள் விடுமுறை கிடைத்தது.

வங்கி இதை எதிர்த்து விடுமுறை மறுத்தாலும், ஊழியர் தைபே நகர தொழிலாளர் பணியகத்தில் புகார் அளித்தார். பணியகம், ஊழியருக்கு சாதகமாகத் தீர்ப்பளித்து, வங்கிக்கு ₹50,000 அபராதம் விதித்தது. ஊழியரின் செயல் நெறிமுறையற்றது என்றாலும் சட்டப்படி சரியானது என பணியகம் உறுதி செய்தது. 

இந்தச் சம்பவம் சட்ட ஓட்டையை பற்றிய விழிப்புணர்வை ஏற்படுத்தி, தொழிலாளர் சட்டங்களில் திருத்தங்கள் செய்யப்பட வேண்டும் என்ற கோரிக்கையை வலுப்படுத்தியுள்ளது. சட்டம் மற்றும் ஒழுக்கத்திற்கு இடையிலான எல்லை குறித்த விவாதத்தையும் இது கிளப்பியுள்ளது.

Edited by Mahendran