வேலைநீக்க பட்டியலில் இணைந்த வால்ட் டிஸ்னி.. வீட்டுக்கு அனுப்பப்பட்ட 7000 ஊழியர்கள்
உலகின் முன்னணி நிறுவனங்கள் வேலை நீக்க நடவடிக்கையை எடுத்து வரும் நிலையில் அந்த பட்டியலில் தற்போது வால்ட் டிஸ்னி நிறுவனமும் இணைந்துள்ளது பெரும் பரபரப்பு ஏற்படுத்தி உள்ளது.
கூகுள் மைக்ரோசாப்ட் பேஸ்புக் டுவிட்டர் போயிங் உள்பட பல நிறுவனங்கள் வேலை நீக்க நடவடிக்கையை எடுத்து வருகின்றன என்பதை பார்த்து வருகிறோம். அந்த வகையில் தற்போது வால்ட் டிஸ்னி நிறுவனம் உலகம் முழுவதும் 7000 ஊழியர்களை வேலை நீக்கம் செய்யப் போவதாக அறிவித்துள்ளது.
ஏற்கனவே கடந்த 2020 ஆம் ஆண்டு கொரோனா உச்சத்தில் இருந்த போது 22,000 ஊழியர்களை பணி நீக்கம் செய்ததை அடுத்து தற்போது மீண்டும் ஒரு மிகப்பெரிய வேலை நீக்க நடவடிக்கை எடுத்துள்ளது.
வால்ட் டிஸ்னி நிறுவனத்தில் கடந்த 2022 ஆம் ஆண்டு டிசம்பர் மாத கணக்கின்படி 2 லட்சம் ஊழியர்கள் பணியாற்றி வருகின்றனர் என்பது குறிப்பிடத்தக்கது.
