நடிகர் சூர்யா நடித்த ரெட்ரோ என்ற திரைப்படம் மே ஒன்றாம் தேதி வெளியாக உள்ளது. அதுமட்டுமின்றி அவர் ஆர்.ஜே பாலாஜி இயக்கத்தில் உருவாகி வரும் சூர்யா 45 என்ற படத்தையும் நடித்து வருகிறார். இந்த படத்தின் படப்பிடிப்பு இறுதிக்கட்டத்தில் உள்ளது
இந்த நிலையில் சூர்யா தனது 46வது படத்தை இயக்கும் இயக்குனர் குறித்த அறிவிப்பை வெளியிட்டுள்ளார். தனுஷ் நடித்த வாத்தி, துல்கர் சல்மான் நடித்த லக்கி பாஸ்கர் உள்ளிட்ட படங்களை இயக்கிய வெங்கி அட்லுரி தான் சூர்யாவின் 46வது படத்தை இயக்க இருப்பதாக அறிவிக்கப்பட்டுள்ளது.
மேலும் இந்த படத்தை சித்தாரா என்டர்டெயின்மென்ட் நிறுவனம் தயாரிக்க உள்ளதாகவும் இந்த படத்தின் படப்பிடிப்பு அடுத்த மாதம் தொடங்குகிறது என்றும் அறிவிக்கப்பட்டுள்ளது.
ஐதராபாத்தில் நடந்த ரெட்ரோ பாடத்தில் ப்ரமோஷன் நிகழ்ச்சியில் இந்த அறிவிப்பு வெளியானது என்பது குறிப்பிடத்தக்கது. இதனை அடுத்து சூர்யாவின் அடுத்த படம் வெற்றிமாறன் இயக்கத்தில் உருவாக இருக்கும் ’வாடிவாசல்’ இல்லை என்பது உறுதி செய்யப்பட்டுள்ளது.
