பீனிக்ஸ் வீழான்’ எனும் படத்தில் நாயகனாக திரையுலகில் முதன்முறையாக சூர்யா விஜய் சேதுபதி அறிமுகமாகிறார். அவரது அறிமுகப் படம் என்ற அடையாளத்தை பெற்றுள்ள இந்த படத்தின் வெளியீட்டு தேதி, ஒரு புதிய போஸ்டருடன் சமீபத்தில் அறிவிக்கப்பட்டுள்ளது.
தமிழ் சினிமாவில் முன்னணி நட்சத்திரங்களின் வாரிசுகள் ஒவ்வொன்றாக திரைத்துறையில் காலடி எடுத்து வைக்கும் சூழலில், சூர்யா சில படங்களில் குழந்தை கதாபாத்திரங்களில் நடித்து தனது திறமையை முன்வைத்துள்ளார்.
இப்போது, அனல் அரசு இயக்கும் ’பீனிக்ஸ் வீழான்’ திரைப்படத்தில் முக்கிய கதாநாயகனாக மாறியுள்ளார். இந்த படத்திற்கு சாம் சி.எஸ். இசையமைக்க, வேல்ராஜ் ஒளிப்பதிவையும், பிரவீன் எடிட்டிங் பணியையும் கவனித்துள்ளனர்.
சமீபத்தில் படப்பிடிப்பு முழுமையாக முடிந்த நிலையில், படத்தின் விளம்பர நடவடிக்கைகள் விரைவில் தொடங்கும் என தகவல்கள் தெரிவிக்கின்றன.
இந்நிலையில், இப்படம் ஜூலை 4ஆம் தேதி திரைக்கு வரும் என அதிகாரப்பூர்வமாக அறிவிக்கப்பட்டுள்ளது. அதோடு, வெளியான புதிய போஸ்டர் தற்போது இணையவாசிகளில் மத்தியில் பரபரப்பை ஏற்படுத்தி வைரலாக பரவி வருகிறது.
சூர்யாவுடன் இணைந்து வரலட்சுமி, முத்துக்குமார், சம்பத்ராஜ், ஹரிஷ் உத்தமன், அபி நட்சத்திரா உள்ளிட்ட பலரும் இப்படத்தில் முக்கிய கதாபாத்திரங்களில் நடித்துள்ளனர்.
விஜய் சேதுபதியின் மகனாக சினிமாவில் முதல் தடவையாக ஹீரோவாக அறிமுகமாகும் சூர்யா, ரசிகர்களிடம் எப்படி வரவேற்பைப் பெறுவார் என்பதை எதிர்நோக்கி காத்திருப்போம்.
