’கில்லி’ பக்கத்தில் கூட வரமுடியாது.. ‘சச்சின்’ வசூல் இவ்வளவுதான்..!

விஜய் நடித்த ’சச்சின்’ என்ற திரைப்படம் சமீபத்தில் ரீ-ரிலீஸ் ஆன நிலையில், இந்த படம் 10 கோடி ரூபாய் வசூல் செய்துள்ளதாக தகவல் வெளியாகி உள்ளன.

விஜய் நடிப்பில், ஜான் மகேந்திரன் இயக்கத்தில் உருவான ’சச்சின்’ என்ற திரைப்படம் கடந்த 2005 ஆம் ஆண்டு வெளியானது. இந்த படத்தை கலைப்புலி எஸ். தாணு தயாரித்திருந்தார். இந்த படத்தின் நாயகியாக ஜெனிலியா, காமெடி நடிகராக வடிவேலு ஆகியோர் நடித்திருந்தனர்.

இந்த படம் சூப்பர் ஸ்டார் நடித்த ’சந்திரமுகி’ படத்துடன் வெளியானதால், பெரிய வெற்றியை பெறவில்லை என்றாலும், ஓரளவு நல்ல வசூலை பெற்றது.

இந்த நிலையில் சமீபத்தில் இந்த படம் மறுபடியும் ரிலீஸ் செய்யப்பட்ட நிலையில், இதுவரை 10 கோடி ரூபாய் வசூலித்துள்ளதாக தகவல் வெளியாகியுள்ளது.

’கில்லி’ திரைப்படம் அரங்கம் நிரம்பிய காட்சிகளாக 50 கோடி ரூபாய் வசூலித்த நிலையில், அந்த வசூலை ’சச்சின்’ திரைப்படம் தொட வாய்ப்பே இல்லை என டிரேடிங் வட்டாரங்கள் கூறுகின்றன.

இருப்பினும், மறு ரிலீஸ் செய்யப்பட்ட ஒரு படம் 10 கோடி ரூபாய் வசூல் செய்வதே பெரிய விஷயம் என்று திரையரங்கு உரிமையாளர்கள் மற்றும் விநியோகஸ்தர்கள் தெரிவித்து வருகின்றனர்.


Edited by Mahendran