தெலுங்கு சினிமாவின் முன்னணி இயக்குனராக வலம் வந்தவர் பூரி ஜெகன்னாத். ஆனால் சமீபகாலமாக அவரின் படங்கள் படுதோல்வி அடைந்து வருகின்றன. விஜய் தேவரகொண்டாவை வைத்து அவர் இயக்கிய லைகர் படம் படுமோசமான தோல்வி பெற்றதை அடுத்து அவருக்கு அடுத்த பட வாய்ப்புகள் கிடைக்கவில்லை.
இந்நிலையில் தற்போது அவர் விஜய் சேதுபதியை வைத்து ஒரு பேன் இந்தியா படத்தை இயக்கி, தயாரிக்கவுள்ளார். இந்த படத்தில் தபு, சம்யுக்தா மேனன், துனியா விஜய் உள்ளிட்டவர்கள் நடிக்கின்றனர். இந்த படம் பற்றிய அறிவிப்பு வெளியான போது விஜய் சேதுபதி ரசிகர்கள் பூரி ஜெகன்னாத்துடன் இணைந்து படம் பண்ணாதீர்கள் என சமூகவலைதளங்களில் அதிருப்தியை வெளியிட்டனர். ஆனால் இயக்குனர்களின் முந்தைய தோல்விகளை வைத்து அவர்களை நான் நிராகரிப்பதில்லை என விஜய் சேதுபதி பதிலளித்துள்ளார்.
சில நாட்களுக்கு முன்னர் இந்த படத்தின் பூஜை தொடங்கிய நிலையில் தற்போது இந்த படத்தின் ஷூட்டிங் தொடங்கியுள்ளது. விஜய் சேதுபதி, சம்யுக்தா, பூரி ஜெகன்னாத் மற்றும் ஷார்மி ஆகியோர் இருக்கும் புகைப்படத்தை படக்குழு வெளியிட அது இணையத்தில் கவனம் பெற்றுள்ளது.
