இறுதிகட்டத்தை நெருங்கும் பாண்டிராஜ் & விஜய சேதுபதி படம்… ரிலீஸ் பற்றி வெளியான தகவல்!

இயக்குனர் பாண்டிராஜ் தமிழ் சினிமாவின் முக்கியமான கமர்ஷியல் இயக்குனர்களில் ஒருவர். பசங்க படத்தின் மூலம் அறிமுகமான அவர் அடுத்தடுத்து இயக்கிய கடைகுட்டி சிங்கம், நம்ம வீட்டுப் பிள்ளை போன்ற திரைப்படங்கள் பெரியளவில் வெற்றியைப் பெற்றன. கடைசியாக அவர் இயக்கிய ‘எதற்கும் துணிந்தவன்’ திரைப்படம் 2022 ஆம் ஆண்டு ரிலீஸாகி தோல்வி படமாக அமைந்தது.

இதனால் பாண்டிராஜ் தன்னுடைய அடுத்த படத்தின் திரைக்கதையை உருவாக்க ஒரு இடைவெளி எடுத்துக்கொண்டார். திரைக்கதையை எழுதி முடித்த பாண்டிராஜ் இப்போது விஜய் சேதுபதி நடிப்பில் சத்யஜோதி பிலிம்ஸ் தயாரிப்பில் அந்த  கதையை இயக்கி வருகிறார். விஜய் சேதுபதி மற்றும் நித்யா மேனன் ஆகியோர் முக்கிய வேடத்தில் நடிக்கும் இந்த படத்தின் ஷூட்டிங் தொடங்கி விறுவிறுப்பாக நடைபெற்று வந்த நிலையில் தற்போது இறுதிகட்டத்தை நெருங்கியுள்ளது.

இந்நிலையில் இந்த படத்தை விறுவிறுப்பாக முடித்து படத்தை மே மாதத்தில் ரிலீஸ் செய்ய இயக்குனர் பாண்டிராஜ் வேலைகளை முடுக்கி விட்டுள்ளதாக சொல்லப்படுகிறது. இந்த படத்தில் விஜய் சேதுபதி ஒரு பரோட்டா மாஸ்டராக நடித்துள்ளார்.