வெந்து தணிந்தது காடு படத்தின் ஒளிப்பதிவாளராக சித்தார்த் நுனி என்பவர் அறிமுகமாகவுள்ளார்.
கௌதம் மேனன் – சிலம்பரசன் காம்போவில் முன்னதாக விண்ணை தாண்டி வருவாயா, அச்சம் என்பது மடமையடா போன்ற படங்கள் ஹிட் அடித்த நிலையில் அடுத்து இருவர் கூட்டணியில் உருவாகியுள்ள படம் “வெந்து தணிந்தது காடு”. இந்த படத்திற்கு ஏ.ஆர்.ரகுமான் இசையமைக்க, வேல்ஸ் ப்லிம் இண்டர்நேஷனல் தயாரித்துள்ளது. இந்தபடத்தின் பர்ஸ்ட் லுக் உலகம் முழுவதும் கவனத்தைப் பெற்றுள்ளது.
இந்த படத்தின் முதல் கட்ட படப்பிடிப்பு திருச்செந்தூரில் சில நாட்கள் நடந்து முடிந்துள்ள நிலையில் படத்தின் ஒளிப்பதிவாளர் பற்றிய அறிவிப்பு வெளியாகியுள்ளது. லைப் ஆஃப் பை படத்தில் பணிபுரிந்த கலைஞரான சித்தார்த் நுனி என்பவர் ஒப்பந்தமாகியுள்ளார். இவர் ஏற்கனவே பணிபுரிந்த ரா ரா ராஜசேகர் என்ற படம் இன்னும் ரிலீஸாகவில்லை.
