வாரிசு படத்துக்குப் பிறகு நடிகர் விஜய் உடனடியாக லோகேஷ் கனகராஜ் இயக்கும் படத்தில் நடிக்க உள்ளார்.
நடிகர் விஜய் தற்போது நடித்துவரும் வாரிசு திரைப்படம் இன்னும் சில தினங்களில் முழுவதும் நிறைவடையும் என சொல்லப்படுகிறது. இதை முடித்துவிட்டு அவர் உடனடியாக லோகேஷ் கனகராஜ் இயக்கும் படத்தை தொடங்க உள்ளார்.
விக்ரம் திரைப்படத்தின் பிரம்மாண்ட வெற்றிக்குப் பிறகு இயக்குனர் லோகேஷ் கனகராஜ்தான் விஜய்யின் அடுத்த படத்தை இயக்கப் போவதாக தகவல்கள் வெளியாகி வருகின்றன. இந்த படத்தில் கதாநாயகி என்று யாரும் இல்லை என்றும் அதுபோலவே படத்தில் பாடல்களும் இல்லாமல் முழுக்க முழுக்க ஆக்ஷன் காட்சிகளுக்கு முக்கியத்துவம் கொடுத்து உருவாக்கப்பட உள்ளதாகவும் சொல்லப்பட்டது.
இந்த படத்தின் படப்பிடிப்பு டிசம்பர் 5 ஆம் தேதி முதல் மூனார் பகுதியில் நடக்க உள்ளதாக தகவல்கள் வெளியாகியுள்ளன. அங்கு சுமார் ஒரு மாத காலம் ஷூட்டிங் நடக்கும் என சொல்லப்படுகிறது.
