சூர்யா நடிப்பில் எதற்கும் துணிந்தவன் படத்துக்குப் பிறகு பிரம்மாண்டமாக உருவாகி வருகிறது கங்குவா திரைப்படம். சூர்யாவின் 42 ஆவது படமான கங்குவா திரைப்படத்தை சிறுத்தை சிவா மிக பிரம்மாண்டமாக இயக்கி வருகிரார். இந்த கதை நிகழ்காலம் மற்றும் சில நூற்றாண்டுகளுக்கு முந்தைய காலம் என இரு காலகட்டங்களில் நடக்கும் விதமாக உருவாக்கப்பட்டுள்ளது.
படத்தை 3டி தொழில்நுட்பம் மற்றும் 10 மொழிகளில் உருவாக்குவதாக படக்குழு அறிவித்துள்ளது. இந்நிலையில் இந்த படத்தின் மிரட்டலான கிளிம்ப்ஸ் காட்சித்துணுக்கு இணையத்தில் வெளியாகி நல்ல கவனம் பெற்றது. அதையடுத்து நேற்று மாலை முதல் லுக் போஸ்டரும் ரிலீஸ் ஆனது.
இந்நிலையில் கங்குவா திரைப்படத்தின் ஓடிடி உரிமையை அமேசான் ப்ரைம் நிறுவனம் 80 கோடி ரூபாய்க்கு வாங்கியுள்ளதாக தகவல்கள் வெளியாகியுள்ளன. சூர்யாவின் சூரரைப் போற்று மற்றும் ஜெய்பீம் ஆகிய திரைப்படங்கள் அமேசான் ப்ரைமில் வெளியாகி மிகப்பெரிய வெற்றியை பெற்றன.
