சூர்யா நடிப்பில் பிரம்மாண்டமாக உருவாகி வருகிறது கங்குவா திரைப்படம். சூர்யாவின் 42 ஆவது படமான கங்குவா திரைப்படத்தை சிறுத்தை சிவா மிக பிரம்மாண்டமாக இயக்கி வருகிரார். இந்த கதை நிகழ்காலம் மற்றும் சில நூற்றாண்டுகளுக்கு முந்தைய காலம் என இரு காலகட்டங்களில் நடக்கும் விதமாக உருவாக்கப்பட்டுள்ளது.
இப்போது விறுவிறுப்பாக ஷூட்டிங் நடந்து வரும் நிலையில் அடுத்த ஆண்டு தொடக்கத்தில் ரிலீஸ் ஆகும் என சொல்லப்படுகிறது. இந்நிலையில் இப்போது ஆந்திராவின் ராஜமுந்திரி காடுகளில் ஆக்ஷன் காட்சி ஒன்றை சமீபத்தில் படக்குழு படமாக்கி முடித்துள்ளதாக தகவல்கள் வெளியாகியுள்ளன.
இந்நிலையில் சென்னையில் செட் ஒன்று அமைக்கப்பட்டு அதில் சூர்யா முதலை ஒன்றுடன் மோதுவது போன்ற ஆக்ஷன் காட்சியை அனிமேட்ரானிக்ஸ் உதவியோடு படமாக்கி வருவதாக தகவல்கள் வெளியாகியுள்ளன. இந்த காட்சிக்கு பிறகு தாய்லாந்துக்கு சென்று அங்கு மீதமுள்ள ஷூட்டிங்கை முடிக்க உள்ளதாக சொல்லப்படுகிறது.
