பிரசாந்த் நடிப்பில் அவரின் தந்தை தியாகராஜன் இயக்கியுள்ள அந்தகன் திரைப்படம் அந்தாதூன் என்ற இந்தி படத்தின் ரீமேக். இந்த படம் உருவாகி சில ஆண்டுகள் ஆனபின்னும் ரிலீஸ் ஆகாமல் முடங்கிக் கிடந்தது. இந்நிலையில் இப்போது படம் ஆகஸ்ட் 15 ஆம் தேதி ரிலீஸாகும் என அறிவிக்கப்பட்டுள்ளது.
நீண்ட நாட்களாக மார்க்கெட்டில் இல்லாத பிரசாந்த் இந்த படத்தின் மூலம் தனக்கு மிகப்பெரிய திருப்புமுனையாக அமையும் என எதிர்பார்த்துள்ளார். படத்தில் பிரசாந்துடன், பிரியா ஆனந்த், சிம்ரன் மற்றும் கார்த்திக் ஆகியோர் முக்கிய வேடத்தில் நடித்துள்ளனர். சந்தோஷ் நாராயணன் இசையமைத்துள்ளார்.
இந்த படத்தின் அந்தகன் ஆன்தம் என்ற பாடல் நேற்று ரிலீஸ் ஆனது. அப்போது பேசிய பிரசாந்த் “அந்தாதூன் படத்தை ரீமேக் செய்யக் காரணம் அதன் திரைக்கதைதான். இந்த படத்தை நிறைய செலவு செய்து என் அப்பா தயாரித்து இயக்கியுள்ளார். தமிழுக்கு ஏற்ப சில மாற்றங்களையும் செய்துள்ளார். இந்த படத்தில் நீண்ட நாட்களுக்குப் பிறகு எனது தோழி சிம்ரனுடன் இணைந்து நடித்துள்ளேன்” எனக் கூறியுள்ளார்.
