விக்னேஷ் சிவன் இயக்கத்தில் ப்ரதீப் ரங்கநாதன் LIK படத்தில் நடித்து வருகிறார். இதில் எஸ் ஜே சூர்யா, சீமான் மற்றும் க்ரீத்தி ஷெட்டி ஆகியோர் முக்கிய வேடங்களில் நடிக்கின்றன. லலித்குமார் தயாரிக்கிறார் இந்த படத்தின் ஷூட்டிங் கடந்த சில மாதங்களுக்கு முன்னர் தொடங்கியது. எதிர்கால காதல் பேண்டசி படமாக இது உருவாகி வருவதாக சொல்லப்படுகிறது.
இந்த படத்தின் ஷூட்டிங் கோவை மற்றும் சிங்கப்பூரில் அடுத்தடுத்து நடந்தது. சமீபத்தில் இந்த படத்தின் முதல் சிங்கிள் பாடல் “தீமா” வெளியாகி கவனம் பெற்றது. அதன் பின்னர் ஷூட்டிங் முடிந்து தற்போது பின் தயாரிப்புப் பணிகள் நடந்து வருகின்றன. இதற்கிடையில் இந்த படம் செப்டம்பர் 18 ஆம் தேதி ரிலீஸாகும் என அறிவிக்கப்பட்டது.
ஆனால் இப்போது அந்த ரிலீஸில் இருந்து தள்ளிப் போய் அடுத்த ஆண்டு காதலர் தினத்துக்கு ரிலீஸாகவுள்ளதாக தகவல்கள் பரவி வருகின்றன. ப்ரதீப்பின் மற்றொரு படமான ட்யூட் தீபாவளிக்கு ரிலீஸாவதால் இந்த தள்ளிவைப்பு நடந்திருக்கலாம் என சொல்லப்படுகிறது.
