பிரபல தெலுங்கு நடிகர் விஷ்ணு மஞ்சு நடிப்பில் உருவாகியுள்ள "கண்ணப்பா" திரைப்படம் ஜூன் 27ஆம் தேதி திரையரங்குகளுக்கு வர இருக்கிறது. தமிழ், தெலுங்கு, ஹிந்தி, ஆங்கிலம், கன்னடம் உள்ளிட்ட பல மொழிகளில் வெளியாகும் இந்தப் படத்தின் விளம்பர பணிகள் தீவிரமாக நடைபெற்று வருகின்றன.
இந்த படத்தில் சரத்குமார், ப்ரீத்தி முகுந்தன், ராகுல் ராமகிருஷ்ணா, பிரம்மானந்தம், மோகன் பாபு ஆகியோர் முக்கிய கதாபாத்திரங்களில் நடித்துள்ளனர். அதோடு, மோகன்லால், பிரபாஸ், அக்ஷய் குமார், காஜல் அகர்வால் போன்ற முன்னணி நட்சத்திரங்கள் சிறப்பு தோற்றத்தில் நடித்துள்ளனர்.
பிரபாஸ் நடித்துள்ளதால் இந்த படத்துக்கு வட இந்தியாவிலும் நல்ல எதிர்பார்ப்பு நிலவுகிறது. இதற்கிடையில் பிரபாஸ் இந்த படத்தில் எவ்வளவு நேரம் வருவார் என்பது குறித்துப் பேசியுள்ளார். பிரபாஸ் 45 நிமிடங்கள் வரை இந்த படத்தில் தோன்றுவார் என சொல்லப்படுகிறது.
