பிரபாஸ் மற்றும் பிருத்விராஜ் நடித்துள்ள சலார் படத்தின் மீது எதிர்பார்ப்பு அதிகமாக இருந்தது. அதற்கு முக்கியக் காரணம் இந்த படத்தை இயக்குவது கே ஜி எஃப் இயக்குனர் பிரசாந்த் நீல் என்பதுதான். இந்த படத்தை கேஜிஎஃப் தயாரிப்பாளர் விஜய் கிரகந்தர் தயாரித்துள்ளார். கே ஜி எஃப் இசையமைபபாளர் ரவி பஸ்ரூர் இசையமைத்துள்ளார்.
கடந்த ஆண்டு கிறிஸ்துமஸ் விடுமுறையை முன்னிட்டு டிசம்பர் 22 ஆம் தேதி இந்த படம் ரிலீஸ் ஆனது. பாகுபலி மற்றும் பாகுபலி 2 ஆகிய இரண்டு படங்களுக்குப் பின்னர் பிரபாஸ் நடித்த அனைத்து படங்களும் ரசிகர்களை திருப்திப் படுத்தாததால் இந்த படம் பெரிதும் எதிர்பார்க்கப்பட்டு, இந்தியா முழுவதும் அதிக அளவிலான திரைகளில் ரிலீஸ் ஆனது. ஆனால் ரிலீஸுக்கு பிறகு இந்த படம் ரசிகர்களை பெரியளவில் ஏமாற்றி, மோசமான விமர்சனத்தையும் வசூலையும் பெற்றது.
இந்நிலையில் இரண்டாம் பாகத்தை எப்படியாவது வெற்றி பெற வைத்துவிட வேண்டுமென்று சில புதியக் காட்சிகளையும் புதிய கதாபாத்திரங்களையும் இணைத்து படப்பிடிப்பு நடத்தப்பட உள்ளதாக சொல்லப்பட்டது. அதனால் ஸ்ருதிஹாசனுக்குப் பதில் கியாரா அத்வானியை இரண்டாம் பாகத்தில் முக்கிய பாத்திரத்தில் நடிக்க வைக்க உள்ளதாக தகவல்கள் வெளியாகின. ஆனால் இதைப் படக்குழு மறுத்துள்ளது. சலார் 2 வுக்கான ஷூட்டிங் ஏற்கனவே முடிந்துவிட்டதாகவும் சொல்லப்படுகிறது.
