கமல்ஹாசன் நடிப்பில் இந்தியன் 2 திரைப்படம் தொடங்கப்பட்டு கிட்டத்தட்ட 6 ஆண்டுகளுக்கு மேலாகிவிட்டது. பல பிரச்சனைகளைக் கடந்து இப்போதுதான் ரிலீஸ் கட்டத்தை எட்டியுள்ளது. கமல்ஹாசன் நடிப்பில் அடுத்தடுத்து இந்தியன் 2, இந்தியன் 3, கல்கி மற்றும் தக் லைஃப் ஆகிய படங்கள் வெளியாக உள்ளன. இதில் இந்தியன் 2 பாகங்களின் ஷூட்டிங் முடிந்து போஸ்ட் புரொடக்ஷன் பணிகள் நடந்து வருகின்றன.
நாடாளுமன்றத் தேர்தல் காரணமாக மே மாதமே ரிலீஸ் ஆகும் என எதிர்பார்க்கப்பட்ட இந்தியன் 2 ஜூன் மாதம் ரிலீஸ் ஆகும் என அறிவிக்கப்பட்டுள்ளது. இந்நிலையில் ஜூன் 13 ஆம் தேதியை படக்குழு இறுதி செய்துள்ளதாக திரைத்துறை வட்டாரங்கள் தெரிவிக்கின்றன.
ஆனால் இந்தியன் 2 படத்தில் இன்னும் ஒரு பாடல் காட்சிப் படமாக்கப்படவில்லையாம். அதனால் அறிவித்த படி ஜூன் மாதத்தில் இந்தியன் 2 படம் ரிலீஸாகுமா என்ற கேள்வி எழுந்துள்ளது. ஏனென்றால் அந்த பாடல் காட்சியை மிகவும் முக்கியமான ஒன்றாக இயக்குனர் ஷங்கர் கருதுகிறாராம். ஆனால் லைகா நிறுவனம் இப்போது பொருளாதார நெருக்கடியில் இருப்பதால் அந்த பாடலை படமாக்க விரும்பவில்லை என்றும் சொல்லப்படுகிறது.
