கமல்ஹாசன், சிம்பு இணைந்து நடித்த படம் தக் லைஃப். இந்த படத்தை மணிரத்னம் இயக்க, ஏ ஆர் ரஹ்மான் இசையமைத்து இருந்தார். படம் ஜூன் 5ம் தேதி வெளியாகி படுதோல்வி படமாக அமைந்தது. இந்த படத்தில் இடம்பெற்றுள்ள “முத்த மழை” பாடலை தீ பாடியுள்ளார். ஆனால் இசை வெளியீட்டு நிகழ்ச்சியில் இந்த பாடலை சின்மயி பாடினார். மேடையில் பாடிய அவரின் இந்த வெர்ஷன் ரசிகர்கள் மத்தியில் பெரும் வரவேற்பைப் பெற்றது.
இந்நிலையில் இந்த பாடலின் தீ வெர்ஷன் நன்றாக உள்ளதா? சின்மயி வெர்ஷன் நன்றாக உள்ளதா? என்ற விவாதங்கள் எழுந்துள்ளது. பலர் படத்தில் உள்ள தீ வெர்ஷனை நீக்கிவிட்டு சின்மயி வெர்ஷனை வைக்க வேண்டும் என்று கூட பேசினர். இதையடுத்து படத்தின் ஆல்பத்தில் சின்மயி வெர்ஷன் இணைக்கப்பட்டது.
இதையடுத்து சின்மயி பாடிய வெர்ஷன் முத்த மழை பாடல் வீடியோ வெர்ஷன் 50 மில்லியன் பார்வையாளர்களால் பார்க்கப்பட்டுள்ளது. இதையடுத்து ரசிகர்களுக்கு நன்றி தெரிவித்து பதிவிட்டுள்ளார்.
