நடிகர் ரஜினிகாந்தின் பிறந்தநாளை முன்னிட்டு பிரதமர் மோடி அவருக்கு டிவிட்டரில் வாழ்த்து தெரிவித்துள்ளார்.
நடிகர் ரஜினிகாந்த் இன்று தன்னுடைய 70 ஆவது பிறந்தநாளைக் கொண்டாடுகிறார். எந்த ஆண்டையும் விட இந்த ஆண்டு அவரது பிறந்தநாள் அதிகம் கவனம் ஈர்க்கக் கூடிய ஒன்றாக அமைந்துள்ளது. ஏனெனில் சில வாரங்களுக்கு முன்னர் அவர் தனது அரசியல் வருகையை உறுதி செய்தார். இந்நிலையில் அவரின் ஒவ்வொரு நடவடிக்கைகளும் எதிர்பார்ப்பை எகிறவைக்கும் விதமாக உள்ளன.
இன்று அவரது 70 ஆவது பிறந்தநாள் கொண்டாடப்படுவதை அடுத்து அவருக்கு பல்வேறு சினிமா நட்சத்திரங்களும், அரசியல் தலைவர்களும் வாழ்த்து தெரிவித்து வருகின்றனர். அந்த வகையில் இந்திய பிரதமர் நரேந்திர மோதி டிவிட்டரில் ’இனிய பிறந்தநாள் வாழ்த்துகள் ரஜினிகாந்த்ஜி. உங்களுக்கு கடவுள் நீண்ட ஆயுளையும் ஆரோக்யத்தையும் அளிக்கட்டும்’ எனக் கூறியுள்ளார்.
