துணிவு திரைக்கதை பற்றி மஞ்சுவாரியர் சொன்ன சுவாரஸ்ய தகவல்!

அஜித் நடித்த துணிவு திரைப்படம் வரும் பொங்கல் தினத்தில் வெளியாக இருக்கும் நிலையில் ஏற்கனவே படத்தின் மீது எதிர்பார்ப்பு எக்கச்சக்கமாக உள்ளது. இன்று மாலை 7 மணிக்கு ட்ரைலர் வெளியாகும் என அறிவித்துள்ளனர்.

இந்த படத்தில் கண்மணி என்ற கதாபாத்திரத்தில் நடிகை மஞ்சு வாரியர் நடித்துள்ளார். இந்நிலையில் படத்தைப் பற்றி அவர் ஒரு சுவாரஸ்யமான தகவலைப் பகிர்ந்துள்ளார்.

அதில் “இந்த படத்தின் கதையை என்னிடம் தமிழில்தான் கொடுத்தார்கள். எனக்கு தமிழ் படிக்க தெரியும் என அவர்களுக்கு தெரிந்திருந்தது. அவர்கள் இப்படி செய்தது என்னை அவர்களுள் ஒருவராக உணர்த்துவது போல இருந்தது. தமிழிலேயே படித்துதான் வசனங்களைப் புரிந்து கொண்டேன்” எனக் கூறியுள்ளார்.