தமிழ் சினிமாவின் முக்கியமான வணிக இயக்குனராக குறுகிய காலத்தில் உருவாகியுள்ளார் லோகேஷ் கனகராஜ். அவர் இயக்கிய மாநகரம் மற்றும் கைதி ஆகிய படங்களை தொடர்ந்து முன்னணி ஹீரோக்களை வைத்து மாஸ்டர், விக்ரம் மற்றும் லியோ ஆகிய படங்களை இயக்கி இந்திய அளவில் விரும்பப்படும் இயக்குனராகியுள்ளார்.
இதையடுத்து அவர் மீண்டும் கைதி 2 மற்றும் அமீர்கான் நடிப்பில் ஒரு படம் என அடுத்தடுத்து லைன் அப்களைக் கொண்டுள்ளார். இந்நிலையில் அமீர்கான் நடிப்பில் அவர் இயக்கவுள்ள படத்தின் கதைப் பற்றிய தகவல் வெளியாகியுள்ளது.
சில ஆண்டுகளுக்கு முன்னர் லோகேஷ் கனகராஜ் சூர்யாவுக்கு ‘இரும்புக் கை மாயாவி’ என்ற கதையை சொன்னதாக சொல்லப்பட்டது. அந்த கதையைதான் சில மாற்றங்களோடு இப்போது அவர் அமீர்கான் நடிப்பில் இயக்க உள்ளதாக தகவல்கள் வெளியாகியுள்ளன.
