தமிழ் சினிமாவில் இன்று மோஸ்ட் வாண்டட் இயக்குனராக அனைத்து ஹீரோக்களாலும், தயாரிப்பு நிறுவனங்களாலும் விரும்பப்படுகிறார் லோகேஷ் கனகராஜ். அதற்குக் காரணம குறுகிய காலத்தில் முன்னணி நடிகர்களை வைத்து சூப்பர் ஹிட் படங்களை அடுத்தடுத்துக் கொடுத்து வருகிறார்.
தனது இயக்குநர் பயணத்தை "மாநகரம்" திரைப்படம் மூலம் தொடங்கினார். அதன் பின்வரும் "கைதி", "மாஸ்டர்", "விக்ரம்", "லியோ" போன்ற வெற்றிப்படங்களை இயக்கி ரசிகர்களை பெரிதும் கவர்ந்தவர். தற்போது ரஜினிகாந்த் நடிக்கும் ‘கூலி’ படத்தை இயக்கி வருகிறார். இதை முடித்து விட்டு கைதி 2 படத்தை இயக்கவுள்ளதாக சொல்லப்படுகிறது.
தற்போது கூலி படத்தின் ப்ரமோஷன் பணிகளில் அவர் ஈடுபட்டு வரும் நிலையில் கூலி மற்றும் தளபதி படங்களுக்கு இடையே உள்ள ஒரு தொடர்பு பற்றி பேசியுள்ளார். அதில் “ரஜினி சார் படங்களில் எனக்கு மிகவும் பிடித்தது தளபதி- தான். நான் அந்த படத்தைதான் பென்ச் மார்க்காக வைத்து கூலி படம் பண்ணினேன். படம் பார்த்து முடித்ததும் ரஜினி சார் படம் ‘தளபதி’ போல வந்திருப்பதாக சொன்னார். அது எனக்கு மன நிறைவைத் தந்தது” எனக் கூறியுள்ளார்.
