இயக்குனர் லோகேஷ் கனகராஜ் ட்விட்டரில் நடத்திய கேள்வி – பதில் நிகழ்வில் நடிகர் சாந்தனுவும் கேள்வி எழுப்பியுள்ளார்.
லோகேஷ் கனகராஜ் இயக்கத்தில் கமல்ஹாசன், விஜய் சேதுபதி, பகத் பாசில் உள்ளிட்ட பலர் நடித்து சமீபத்தில் வெளியான படம் விக்ரம். இந்த படத்தில் சூர்யா ஒரு முக்கிய வேடத்தில் சில நிமிடங்கள் மட்டும் தோன்றினார். இந்த படத்தில் லோகேஷின் முந்தைய படமான கைதியின் காட்சிகளும் இடம்பெற்றிருந்தன.
இந்த படம் பெரும் வெற்றி பெற்றுள்ள நிலையில் நேற்று லோகேஷ் கனகராஜ் ட்விட்டரில் #AskDirLokesh என்ற ஹேஷ்டேகில் ரசிகர்கள் கேட்கும் கேள்விகளுக்கு பதில் அளித்தார், அதில் சில பிரபலங்களுமே அவரிடம் கேள்வி எழுப்பினார்கள்.
அதில் நடிகர் சாந்தனு “மாஸ்டர் படத்தில் இறந்த பார்கவ் உங்களுடைய மல்டிவெர்ஸில் மீண்டும் வருவாரா?” என கேள்வி எழுப்பினார். அதற்கு லோகேஷ் “சாரி மச்சி.. பார்கவ் செத்துட்டான்” என்று பதிலளித்துள்ளார். லோகேஷ் இயக்கிய மாஸ்டர் படத்தில் பார்கவ் கேரக்டரில் சாந்தனுதான் நடித்திருந்தார் என்பது குறிப்பிடத்தக்கது.
