தெலுங்கு திரையுலகின் முன்னணி இயக்குனரான கொரடலா சிவா இயக்கத்தில் உருவாகும் அடுத்த படத்தில் ஜூனியர் என்டிஆர் நடிக்கிறார். ஜூனியர் என்டிஆரின் 30 ஆவது படமான இதற்கு ‘தேவரா’ என்று டைட்டில் வைக்கப்பட்டுள்ளது. படத்தின் இசையமைப்பாளராக அனிருத் ஒப்பந்தமாகியுள்ளார். ஜான்வி கபூர் கதாநாயகியாக நடிக்க, சைஃப் அலிகான் வில்லன் வேடத்தில் நடிக்கிறார்.
கடந்த ஆண்டு ஏப்ரல் மாதம் முதல் இந்த படத்தின் ஷுட்டிங் தொடங்கி நடைபெற்று வருகிறது. இந்த படம் கடலை கதைக்களமாகக் கொண்டு உருவாகி வருகிறது.இந்நிலையில் இந்த படத்தினை இரண்டு பாகங்களாக உருவாக்கி வருகின்றனர். முதல் பாகம் செப்டம்பர் 27 ஆம் தேதி வெளியாகிறது.
இதையடுத்து படத்தின் ப்ரமோஷனுக்கு ஜூனியர் என் டி ஆர் உள்ளிட்ட படக்குழுவினர் சென்னைக்கு வந்துள்ளனர். அப்போது பேசிய நடிகர் ஜூனியர் என் டி ஆர் “எனக்கு இயக்குனர் வெற்றிமாறன் இயக்கத்தில் தமிழில் நேரடியாக ஒரு படம் நடிக்க வேண்டும் என ஆசை. அந்த படத்தை தெலுங்கில் டப் செய்து வெளியிடவேண்டும்” எனக் கூறியுள்ளார்.
