ஜெயம் ரவி & கணேஷ் கே பாபு இணையும் படத்தின் டைட்டில் அறிவிப்பு குறித்து வெளியான அப்டேட்!

ஜெயம் ரவி நடிப்பில் சமீபத்தில் காதலிக்க நேரமில்லை படம் வெளியான நிலையில் அடுத்து ஜீனி ரிலிஸுக்குக் காத்திருக்கிறது. இதற்கிடையில் அவரின் விவாகரத்து செய்தி வெளியாகி அவரைச் சுற்றி சர்ச்சைகள் எழுந்தன. சமீபத்தில் ரிலீஸான அவரின் படங்கள் எதுவுமே பெரிய வெற்றியைப் பெறவில்லை.

இந்நிலையில் ஜெயம் ரவி தற்போது 34 ஆவது படத்தில் நடித்து வருகிறார். இந்த படத்தை ஸ்க்ரீன் சீன் நிறுவனம் தயாரிக்க, டாடா படத்தின் இயக்குனர் கணேஷ் கே பாபு இயக்கி வருகிறார். ஹாரிஸ் ஜெயராஜ் இசையமைக்கிறார். வட சென்னையை மையமாகக் கொண்டு கதை உருவாக்கப்பட்டுள்ளதாக சொல்லப்படுகிறது.

இந்நிலையில் இந்த படத்தின் டைட்டில் அறிவிப்பு நாளை வெளியாகும் எனப் படக்குழு அதிகாரப்பூர்வமாக அறிவித்துள்ளது. இந்த படமாவது ஜெயம் ரவிக்கு நீண்ட இடைவெளிக்குப் பின்னர் ஹிட் படமாக அமையுமா என்ற கேள்வி எழுந்துள்ளது.