சென்னை, மயிலாடுதுறை உள்பட 20 இடங்களில் தேசிய புலனாய்வு முகமை அதிகாரிகள் திடீரென இன்று காலை முதல் சோதனை செய்து வருவதாக வெளிவந்திருக்கும் தகவல் பரபரப்பை ஏற்படுத்தி உள்ளது.
ஐஎஸ்ஐ தீவிரவாத இயக்கத்துடன் தொடர்பு இருப்பதாக கிடைத்த ரகசிய தகவலின் அடிப்படையில் தேசிய புலனாய்வு முகமை அதிகாரிகள் இந்த சோதனையை நடத்தி வருவதாக தெரிகிறது.
சென்னை புரசைவாக்கத்தில் உள்ள தனியார் அடுக்குமாடி குடியிருப்பு மற்றும் புறநகர் பகுதிகளில் சோதனை நடந்து வருவதாகவும் அதேபோல் மயிலாடுதுறை மாவட்டம் திருமுல்லைவாசல் என்ற கிராமத்தில் மட்டும் 15 இடங்களில் என்.ஐ.ஏ சோதனை நடத்தி வருவதாகவும் தகவல் வெளியாகியுள்ளது.
சென்னை மற்றும் புறநகர் பகுதியில் உள்ள ஐந்து இடங்கள் மயிலாடுதுறையில் 15 இடங்களில் ஒரே நேரத்தில் தேசிய புலனாய்வு முகமை அதிகாரிகள் சோதனை நடத்தி வருவது பரபரப்பை ஏற்படுத்தி உள்ளது.
கடந்த சில நாட்களுக்கு முன்னால் தான் என்.ஐ.ஏ அதிகாரிகள் தமிழகத்தில் தீவிர சோதனை நடத்தி பரபரப்பை ஏற்படுத்திய நிலையில் தற்போது மீண்டும் சோதனை நடத்தி வருவது பல்வேறு கேள்விகளை எழுப்பி உள்ளதாக கூறப்படுகிறது.
Edited by Siva
