சூர்யா நடிப்பில் ஆர்.ஜே.பாலாஜி இயக்கத்தில் வெளியாகவிருக்கும் கருப்பு படத்தின் டீசர் தற்போது வெளியாகியுள்ள நிலையில் ரசிகர்களிடையே பெரும் வரவேற்பை பெற்றுள்ளது. படத்தில் சூர்யா வழக்கறிஞர் மற்றும் கருப்பு ஆகிய இரு வேடங்களில் நடிப்பதாக தெரிகிறது.
கடந்த சில ஆண்டுகளாக சூர்யாவுக்கு திரையரங்க ஹிட்டாக எந்த படமும் அமையவில்லை. அவரின் சமீபத்தைய ஹிட்டான ‘சூரரைப் போற்று’ மற்றும் ‘ஜெய் பீம்’ கூட ஓடிடிகளில் ரிலிஸாகிதான் வெற்றி பெற்றன. இதனால் சூர்யா தியேட்டர் ரிலீஸில் ஒரு பெரிய ஹிட் கொடுக்க கடுமையாகப் போராடிக் கொண்டிருக்கிறார். அதை நிகழ்த்தும் விதமாக ‘கருப்பு’ திரைப்படம் மாஸ் மசாலா சினிமாவாக இருக்கும் என எதிர்பார்க்கப்படுகிறது.
இந்நிலையில் இந்த டீசரின் கிரடிட்ஸில் எழுத்தாளர்கள் என குறிப்பிட்டு நான்கு பெயர்கள் இடம்பெற்றுள்ளன. அதில் முதல் பெயராக அஸ்வின் ரவிச்சந்திரன் என்ற பெயர் இடம்பெற்றுள்ளது. இதைப் பார்த்த ரசிகர்கள் பலரும் இது கிரிக்கெட் வீரர் அஸ்வின்தான் என நம்பத் தொடங்கியுள்ளனர். ஆனால் அஸ்வின் எப்போழுதும் தனது பெயரை ‘ரவிச்சந்திரன் அஸ்வின்’ என்றுதான் குறிப்பிடுவார் என்பதால் இது வேறு அஸ்வின் ரவிச்சந்திரனாக இருக்கலாம் எனத் தெரிகிறது. இதுபற்றி படக்குழுவோ அல்லது அஸ்வின் தரப்போ தெளிவுபடுத்துவார்கள் என்று எதிர்பார்க்கப்படுகிறது.
