ஒரு பிச்சைக்காரன் திடீரென கோடீஸ்வரனாக மாறுவது எப்படி? ‘குபேரா’ டிரைலர்..!

தனுஷ், நாகார்ஜுனா, ராஷ்மிகா மந்தனா  நடிப்பில் உருவாகியுள்ள 'குபேரா' திரைப்படத்தின் டிரெய்லர்  வெளியாகி ரசிகர்களின் கவனத்தை ஈர்த்துள்ளது. 

சேகர் கம்முலா இயக்கியுள்ள இந்தப் படம் தமிழ், தெலுங்கு, இந்தி உட்பட 5 மொழிகளில் பிரம்மாண்டமாக உருவாகியுள்ளது. இத்திரைப்படம் ஜூன் 20ஆம் தேதி திரைக்கு வரவுள்ளது. படத்திற்கு தேவிஸ்ரீ பிரசாத் இசையமைத்துள்ளார்.

ஏற்கனவே வெளியான டீசர் படத்தின் மீதான ஆர்வத்தை தூண்டிய போதும், கதை என்னவென்று யூகிக்க முடியாதபடி இருந்தது. ஆனால், தற்போது வெளியாகியுள்ள டிரெய்லர், படத்தின் மைய கருத்தை ஓரளவு புரிந்துகொள்ள ரசிகர்களுக்கு வாய்ப்பளித்துள்ளது.

ஒரு பிச்சைக்காரன் திடீரென கோடீஸ்வரனாக மாறுவது, அவனது வாழ்வில் எதிர்பாராத சிக்கல்களையும், சவால்களையும் கொண்டு வருகிறது. இதன் பின்னணியில் ஊழல், அரசியல் ஆகியவை ஆழமாகப் பேசப்பட்டிருக்கும் என்பதை டிரெய்லர் உணர்த்துகிறது.

தேவிஸ்ரீ பிரசாத்தின் இசை டிரெய்லருக்கு கூடுதல் வலு சேர்க்கிறது. தனுஷுக்கு தனது நடிப்புத்திறனை முழுமையாக வெளிப்படுத்த இது ஒரு சிறந்த படமாக இருக்கும் என எதிர்பார்க்கலாம். ராஷ்மிகா மந்தனாவுக்கும் இப்படத்தில் கணிசமான முக்கியத்துவம் இருக்கும் என்பது தெளிவாகிறது. டிரெய்லரில் உள்ள விறுவிறுப்பும், சுவாரஸ்யமும் படத்தின் திரைக்கதையிலும் தொடர்ந்தால், 'குபேரா' நிச்சயம் பெரிய வெற்றியை பெறும் என்பதில் சந்தேகமில்லை.

Edited by Siva