ஹாலிவுட் நடிகை சிட்னி ஸ்வீனி தனக்கே உரித்தான ஒரு சோப் தயாரிப்பு வரிசையை அறிமுகப்படுத்தியுள்ளார். அமெரிக்காவில் பிரபலமான டாக்டர் ஸ்குவாட்ச் சோப் நிறுவனத்துடன் இணைந்து அவர் “Sydney’s Bathwater Bliss” எனும் சோப்பை வெளியிட்டுள்ளார்.
இந்த சோப்பின் சிறப்பு என்னவென்றால், சிட்னி குளித்த நீரின் சில துளிகள் இதில் பயன்படுத்தப்பட்டுள்ளன. பைன் மரத்தின் வாசனை, பிசின் உள்ளிட்ட இயற்கை பொருட்களுடன் இணைத்து உருவாக்கப்பட்டுள்ள இந்த சோப்புகள் மிகவும் குறைந்த எண்ணிக்கையில், சிறப்பான அனுபவம் தரும் வகையில் தயாரிக்கப்பட்டுள்ளன.
சிறப்பு பதிப்பாக வெளிவரும் இந்த சோப்புகள் வெறும் 5,000 எண்ணிக்கையில் மட்டுமே தயாரிக்கப்பட்டுள்ளன. ஒவ்வொரு பீஸும் சுமார் 8 அமெரிக்க டாலர் (இந்திய மதிப்பில் ₹700) என நிர்ணயிக்கப்பட்டுள்ளது. ஜூன் 6ஆம் தேதி முதல் விற்பனைக்கு வரவுள்ளது. மேலும், ஜூன் 4க்குள் முன்பதிவு செய்பவர்களில் முதல் 100 பேருக்கு இவை இலவசமாக வழங்கப்படும் என அறிவிக்கப்பட்டுள்ளது.
சிட்னி ஸ்வீனியின் ரசிகர்கள் இந்த முயற்சிக்கு கலவையான கருத்துகளை சமூக வலைதளங்களில் பகிர்ந்து வருகின்றனர்.
