அஜித் நடித்த ‘குட் பேட் அக்லி’ படம் கடந்த வியாழக்கிழமை உலகம் முழுவதும் திரையரங்குகளில் வெளியாகி, ரசிகர்களிடையே நல்ல வரவேற்பை பெற்று வருகிறது. இந்நிலையில், இந்த படம் பாசிட்டிவ் விமர்சனங்களைப் பெற்று வருகிறது.
படம் இந்திய அளவில் முதல் நாளில் 28 முதல் 30 கோடி ரூபாய் வசூலித்துள்ளதாக சொல்லப்படுகிறது. வெளிநாட்டிலும் இந்த படத்துக்கு மிகப்பெரிய வசூல் இருப்பதாக சொல்லப்படுகிறது. இந்நிலையில் குட் பேட் அக்லி திரைப்படம் மூன்று நாட்களில் உலகளவில் செய்த வசூல் விடாமுயற்சி திரைப்படம் ஒட்டுமொத்தமாக செய்த வசூலைக் கடந்துள்ளதாக தகவல் வெளியாகியுள்ளது.
இந்நிலையில் தமிழ் நாட்டில் மட்டும் மூன்று நாட்களில் தோராயமாக இந்த படம் சுமார் 62.75 கோடி ரூபாய் வசூலித்துள்ளதாக சொல்லப்படுகிறது. இதன் மூலம் வரும்நாட்களில் தமிழகத்தில் மட்டும் இந்த படத்தின் வசூல் 100 கோடி ரூபாயைத் தாண்டும் என சொல்லப்படுகிறது.
