தமிழ் சினிமாவின் நம்பிக்கைக்குரிய இயக்குனர்களில் ஒருவரான மாரி செல்வராஜ் இயக்கியுள்ள வாழை திரைப்பாம் இன்று ரிலீஸாகிறது. இந்த படம் ரிலீஸாவதற்கு முன்பே பார்த்த பிரபலங்கள் படத்தையும் இயக்குனர் மாரி செல்வராஜையும் உச்சி முகர்ந்து பாராட்டியுள்ளனர்.
அந்த வரிசையில் மாரி செல்வராஜின் கர்ணன் பட கதாநாயகன் தனுஷ் இப்போது இணைந்துள்ளார். படம் பற்றி பேசியுள்ள அவர் “சிரிக்கவும், கைதட்டவும் அழவும் தயாராகுங்கள். உங்களை கலங்கவைக்கும் ஒரு உலகத்துக்குள் செல்ல தயாராகுங்கள். உலகமுள்ள சினிமா ஆர்வலர்களால் கொண்டாடப்படபோகும் ஒரு படைப்பு ‘வாழை’. இயக்குனர் மாரி செல்வராஜ் மற்றும் படக்குழுவினருக்கு வாழ்த்துகள்” எனக் கூறியுள்ளார்.
இந்த படத்தில் கலையரசன், நிக்கிலா விமல், திவ்யா துரைசாமி மற்றும் பல குழந்தை நட்சத்திரங்கள் முக்கியக் கதாபாத்திரங்களில் நடித்துள்ளனர். சந்தோஷ் நாராயணன் இசையமைக்க, மாரி செல்வராஜ் ஹாட்ஸ்டார் நிறுவனத்தோடு இணைந்து தயாரித்துள்ளார்.
