கேப்டன் மில்லர் படத்தின் ஷூட்டிங்கை முடித்துள்ள தனுஷ் அடுத்து தனது 50 ஆவது படத்தை தானே இயக்க உள்ளார். இந்த படத்தை சன் பிக்சர்ஸ் நிறுவனம் தயாரிக்க உள்ளதாக தெரிகிறது. ஏ ஆர் ரஹ்மான் இசையமைக்க உள்ளார் என்றும் சொல்லப்படுகிறது.
இந்த படத்தில் தனுஷோடு எஸ்ஜே சூர்யா, காளிதாஸ் ஜெயராம், திரிஷா, துஷாரா விஜயன், சந்தீப் கிஷன், அமலா பால் மற்றும் செல்வராகவன் உள்ளிட்டோர் நடிக்க உள்ளதாக தகவல்கள் வெளியாகி வருகின்றன. தற்போது இந்த படத்தின் ஷூட்டிங்கை விறுவிறுப்பாக மேற்கொண்டு வருகிறார் தனுஷ்.
இந்நிலையில் இப்போது இந்த படத்தில் ஒரு முக்கியக் கதாபாத்திரத்தில் அனிகா சுரேந்திரன் நடிக்க ஒப்பந்தமாகியுள்ளதாக சொல்லப்படுகிறது. அனிகா சுரேந்திரன் என்னை அறிந்தால் மற்றும் விஸ்வாசம் ஆகிய படங்களில் குழந்தை நட்சத்திரமாக அறிமுகமாகி இப்போது வளர்ந்து வரும் இளம்நடிகையாகியுள்ளார் என்பது குறிப்பிடத்தக்கது.
