பாலிவுட்டில் ஹிட் அடித்த பிங்க் படத்தின் தமிழ் ரீமேக்கில் தற்போது அஜீத் நடித்துவருகிறர். இப்படத்தை சதுரங்க வேட்டை மற்றும் தீரன் அதிகாரம் ஒன்று ஆகிய படங்களை இயக்கிய வினோத் இயக்கும் இப்படத்தின் டைட்டில் நேர்கொண்ட பார்வை என வைக்கப்பட்டுள்ளது. போனி கபூர் தயாரிக்கும் இந்த படத்திற்கு யுவன் ஷங்கர் ராஜா இசையமைக்கிறார்.
இப்படத்தில் அஜித்துக்கு ஜோடியாக பாலிவுட் நடிகை வித்யா பாலன் நடிக்கிறார். ரங்கராஜ் பாண்டே, டெல்லி கணேஷ், ஷ்ரத்தா ஸ்ரீநாத், ஆதிக் ரவிச்சந்திரன் உள்ளிட்ட நட்சத்திரங்கள் முக்கிய வேடங்களில் நடித்துள்ளனர்.
இப்படத்தின் படப்பிடிப்பு ஹைதராபாத்தில் விறுவிறுப்பாக நடந்து வரும் வேளையில் தற்போது சமூக வலைத்தளங்களில் சென்னை சூப்பர் கிங்ஸ் அணியினர் நேர்கொண்ட பார்வை படத்தின் பர்ஸ்ட் லுக் போஸ்டர் போல் போஸ் கொடுத்துள்ள புகைப்படம் ஒன்று வெளியாகி இணையத்தில் வைரலாகி வருகிறது.
கிரிக்கெட் ஜாம்பவான் தல தோனி, தல அஜித்தை போன்றே இந்த புகைப்படத்தில் தோற்றமளிப்பதால் அஜித் ரசிகர்கள் இதை ட்ரெண்ட் செய்தும் வருகின்றனர்.
